pakiza mohabbat ko gunahgar na karna

pakiza mohabbat ko gunahgar na karna
tum pyaar tou karna magar izhaar na karna!!

qurbani ka jazba tumhe veersey mein mila hai
wo jaan bhi agar mangey tou inkaar na karna!!.

suraat sey bari cheez hai mehboob ki siraat
aawara hawa'un sey kabhi pyaar na karna!!

aashkun mein na behjayen kahin gham ka khazana
soowey hoye tufaan ko bedaar na karna!!.

Tanhai Me Jab Jab Teri Yaado Se Mila Hoon

Tanhai Me Jab Jab Teri Yaado Se Mila Hoon
Mehsoos Hua Hai Ke Tujhe Dekh Raha Hoon
Aisa Bhi Nahi Hai Ke Tujhe Yaad Karu Main
Aisa Bhi Nahi Hai Ke Tujhe Bhool Gaya Hoon
Talwaar Pe Khud Maine Hi Sar Rakh Diya Apna
Maloom Hai Mujhko Ke Main Sach Bol Raha Hoon
Jurrat Hai To Karde Mujhe Tufan Ke Hawale
Mojo Se Kaho Aaj Main Saahil Pe Khada Hoon
Is Bhid Me Apna Nazar Aaye Koi Mujhko
Me Gumshuda Bachche Ke Tarah Khof-Zada Hoon
Is Door Ke Benaiya Kamzor Hai Shayaad
Hira Hoon Magar Kanch Ke Tukdo Me Pada Hoon
Shayad Ye Takabbur Ki Saza Mujhko Mili Hai
Ubhra Tha Badi Shaan Se Ab Doob Raha
E Raat Meri Samt Zara Soch Ke Badhna
Pehchan le Mujhko Ke Me Altaf Zia Hoon

Ya To Yeh Jagah Wo Hai Jo Bazaar Nahi Hai

Ya To Yeh Jagah Wo Hai Jo Bazaar Nahi Hai
Ya Mera Yahan Koi Khareedaar Nahi Hai
Kyon Door Ho Mujhse Mere Nazdeek To Aao
Haatho Main Mere Phool Hai Talwaar Nahi Hai
Is Kaum Ki Taqdeer Main Kanzil To Hai Lekin
Afsos Koi Kaafila Sagaar Nahi Hai
Kirdaar Ko Kapdo Main Chupaa Rakkha Hai Tune
Kapdo Ki Tarah To Tera Kirdaar Nahi Hai
Ek Baar Ujad Jaaye To Phir Basna Hai Mushkil
Yeh Dil Hai Mera Dilli Ka Darbaar Nahi Hai

Aaina Hai Ajeeb Na Chehra Ajeeb Hai

Aaina Hai Ajeeb Na Chehra Ajeeb Hai
Bas Tere Dekhne Ka Tareeqa Ajeeb Hai
Yeh Jaante Hue Ke Shikaari Ki Zabiq Hai
Baitha Hai Shaakh Par Wo Parinda Ajeeb Hai
Phir Bhi Main Usi Baat Pe Hairat Zada Raha
Haala Ke Jaanta Hoon Main Kya Kya Ajeeb Hai

Dard Bankar Jigar Me Chhupa Kaun Hai

Dard Bankar Jigar Me Chhupa Kaun Hai
Mujh Me Reh-Reh Kar Ye Cheekhta Kaun Hai
Jab Tujhe Dil Se Apna Bana Hi Liya
Honge Badnaam Hum Yeh Sochta Kaun Hai
Ek Taraf Dil Hai Aur Ek Taraf Aaina
Dekhna Hai Mujhe Todta Kaun Hai
Tum Mujhe Bhool Jao Ye Mumkin Nahi
Tumko Meri Tarah Chahta Kaun Hai
Sher Kehne Pe Majboor Karta Hai Jo
Be Barbad Hoon Ye Zia Kaun Hai

Muntazir Kab Se Tahayyur Hai Teri Taqarir Ka

Muntazir Kab Se Tahayyur Hai Teri Taqarir Ka
Baat Kar Tujh Par Gumaan Hone Laga Taswir Ka
Raat Kya Soye Ki Baaki Umar Ki Nind Ud Gai
Khwaab Kya Dekha Ki Dhadka Lag Gaya Taabir Ka
Jaane Tu Kis Aalam Main Bichhada Hai Ki Tere Bagair
Aaj Tak Har Lafz Fariyaadi Meri Taharir Ka
Jis Tarah Baadal Ka Saya Pyaas Bhadkaata Rahe
Main Ne Wo Aalam Bhi Dekha Hai Teri Taswir Ka
Kis Tarah Paaya Tujhe Phir Kis Tarah Khoya Tujhe
Mujh Sa Munkir Bhi To Qaail Ho Gayaa Taqadir Ka
Ishq Main Sar Phodana Bhi Kya Ke Ye Be-Meher Log
Juu-E-Khoon Ko Naam Dete Hain Juu-E-Shir Ka
Jis Ko Bhi Chaaha Use Shiddat Se Chaaha Hai ‘Faraz’
Silsila Tuta Nahin Dard Ki Zanjir Ka

Main To Aawara Shaayar Hoon Meri Kya Vaqaat

Main To Aawara Shaayar Hoon Meri Kya Vaqaat
Ek Do Git Pareshaan Se Ga Leta Hoon
Gahe Gahe Kisi Naakam Sharabi Ki Tarah
Ek Do Zahar Ke Saagar Bhi Chadha Leta Hoon
Tu Ke Ik Vaadi-E-Gulrang Ki Shahzadi Hai
Ek Bekaar Se Insaan Ke Liye Waqf Na Ho
Tere Khwaabon Ke Jaziron Main Badi Raunaq Hai
Ek Anjaan Se Tuufaan Ke Liye Waqf Na Ho

Kya Rukhsat-E-Yaar Ki Ghadi Thi

Kya Rukhsat-E-Yaar Ki Ghadi Thi
Hansti Hui Raat Ro Padi Thi
Ham Khud Hi Hue Tabaah Warna
Duniya Ko Hamari Kya Padi Thi
Ye Zakhm Hain Un Dinon Ki Yaade
Jab Aap Se Dosti Badi Thi
Jaate To Kidhar Ko Tere Vahashi
Zanjir-E-Junoon Kadi Padi Thi
Gam The Ki ‘Faraz’ Aandhiyaan Thi
Dil Tha Ki ‘Faraz’ Pankhudi Thi

Kuch Na Kisi Se Bolenge

Kuch Na Kisi Se Bolenge
Tanhaai Main Ro Lenge
Ham Be-Rehbaron Ka Kya
Saath Kisi Ke Ho Lenge
Khud To Hue Rusawa Lekin
Tere Bhed Na Kholenge
Jiwan Zahar Bhara Saagar
Kab Tak Amrit Gholenge
Nind To Kya Aayegi ‘Faraz’
Maut Aai To Solenge

Khamosh Ho Kyon Daad-E-Jafaa Kyun Nahin Dete

Khamosh Ho Kyon Daad-E-Jafaa Kyun Nahin Dete
Bismil Ho To Qaatil Ko Dua Kyun Nahin Dete
Wahshat Ka Sabab Ruzan-E-Zindaa To Nahin Hai
Mahar-O-Maah-O-Anjum Ko Bujha Kyun Nahin Dete
Ik Ye Bhi To Andaaz-E-Ilaaj-E-Gham-E-Jaan Hai
Ai Charagaro Dard Badha Kyun Nahin Dete
Munsif Ho Agar Tum To Kab Insaaf Karoge
Mujarim Hai Agar Ham To Saza Kyun Nahin Dete
Rahzan Ho To Haazir Hai Mataa-E-Dil-O-Jaan Bhi
Rahbar Ho To Manzil Ka Pata Kyun Nahin Dete
Kya Bit Gai Ab Ke ‘Faraz’ Ahal-E-Chaman Par
Yaaran-E-Qafas Mujh Ko Sada Kyun Nahin Dete

Kathin Hai Raah Guzar Thodi Door Saath Chalo

Kathin Hai Raah Guzar Thodi Door Saath Chalo
Bahut Bada Hai Safar Thodi Door Saath Chaalo
Tamaam Umar Kahaan Koi Saath Deta Hai
Main Jaanta Hoon Magar Thodi Door Saath Chalo
Nashe Main Choor Hoon Main Bhi Tumhe Bhi Hosh Nahi
Badaa Maza Ho Agar Thodi Door Saath Chalo
Ye Ek Shab Ki Mulaaqaat Bhi Ganimat Hai
Kise Hai Kal Ki Khabar Thodi Door Saath Chalo
Abhi To Jaag Rahe Hain Chiraag Raahon Ke
Abhi Hai Door Sahar Thodi Door Saath Chalo
Tawaaf-E-Manzil-E-Jaana Hamain Bhi Karna Hai
‘Faraz’ Tum Bhi Agar Thodi Door Saath Chalo

Karun Na Yaad Agar Kis Tarah Bhulaoon Use

Karun Na Yaad Agar Kis Tarah Bhulaoon Use
Ghazal Bahana Karoon Aur Gungunaoon Use
Wo Khaar-Khaar Hai Shaakh-E-Gulaab Ki Maanind
Main Zakhm-Zakhm Hoon Phir Bhi Gale Lagaoon Use
Ye Log Tazkare Karte Hain Apane Logon Se
Main Kaise Baat Karoon Aur Kahan Se Laaoon Use
Magar Wo Zood Faraamosh Zuud Ranj Bhi Hai
Ke Rooth Jaaye Agar Yaad Kuchh Dilaoon Use
Wahi Jo Daulat-E-Dil Hai Vahi Jo Raahat-E-Jaan
Tumhari Baat Pe Ai Naasiho Ganvaoon Use
Jo Ham Safar Sar-E-Manzil Bichad Raha Hai ‘Faraz’
Ajab Nahin Ki Agar Yaad Bhi Na Aaoon Use

Kaha Tha Kis Ne Ke Ahad-E-Wafa Karo Us Se

Kaha Tha Kis Ne Ke Ahad-E-Wafa Karo Us Se
Jo Yun Kiyaa Hai To Phir Kyun Gila Karo Us Se
Ye Ahal-E-Baz Tunak Hausala Sahi Phir Bhi
Zara Fasana-E-Dil Ibtida Karo Us Se
Ye Kya Ke Tum Hi Gam-E-Hijr Ke Fasane Kaho
Kabhi To Us Ke Bahane Suna Karo Us Se
Naseeb Phir Koi Taqrib-E-Qarb Ho Ke Na Ho
Jo Dil Main Hon Wahi Baatain Kiya Karo Us Se
‘Faraz’ Tark-E-Ta’alluq To Khair Kya Hoga
Yahi Bahut Hai Ke Kam Kam Mila Karo Us Se

Juz Tere Koi Bhi Din Raat Na Jaane Mere

Juz Tere Koi Bhi Din Raat Na Jaane Mere
Tu Kahaan Hai Magar Ai Dost Puraane Mere
Tu Bhi Khushboo Hai Magar Mera Tajassus Bekaar
Barq-E-Aawara Ki Maanind Thikhaane Mere
Shama Ki Lau Thi Ke Wo Tu Tha Magar Hijr Ki Raat
Der Tak Rota Raha Koi Sirhaane Mere
Khalq Ki Bekhabari Hai Ke Meri Ruswaai
Log Mujh Ko Hi Sunaate Hain Fasaane Mere
Lut Ke Bhi Khush Hoon Ke Ashkon Se Bhara Hai Daaman
Dekh Gaarat Gare Dil Ye Bhi Khazaane Mere
Aaj Ik Aur Baras Bit Gaya Us Ke Bagair
Jis Ke Hote Hue Hote The Zamaane Mere
Kaash Tu Bhi Meri Aawaz Sunata Ho
Phir Pukaare Hai Tujhe Dil Ki Sada Ne Mere
Kaash Tu Bhi Kabhi Aa Jaye Masihaai Ko
Log Aate Hain Bahut Dil Ko Dukhaane Mere
Kaash Auron Ki Tarah Main Bhi Kah Sakta
Baat Sun Li Hai Meri Aaj Khuda Ne Mere
Tu Hai Kis Haal Main Ai Zood Faraamosh Mere
Mujh Ko To Chin Liya Ahad-E-Wafa Ne Mere
Chaaragar Yun To Bahut Hain Magar Ai Jaan-E-’Faraz’
Juz Tere Aur Koi Gam Na Jaane Mere

Is Daur-E-Bejunoon Ki Kahani Koi Likho

Is Daur-E-Bejunoon Ki Kahani Koi Likho
Jismon Ko Barf Khoon Ko Paani Koi Likho
Koi Kaho Ki Haath Qalam Kis Tarah Hue
Kyon Ruk Gai Qalam Ki Rawaani Koi Likho
Kyon Ahal-E-Shauq Sar-Va-Garebaan Hain Dosto
Kyon Khoon-Ba-Dil Hai Ahad-E-Jawani Koi Likho
Kyon Surma-Dar-Gulu Hai Har Ek Tayar-E-Sukhan
Kyon Gulsitaan Qafas Ka Hai Saani Koi Likho
Haan Taza Saanehon Ka Kare Kaun Intezaar
Haan Dil Ki Vardaat Purani Koi Likho

Inhi Khush Gumaaniyon Main Kahin Jaan Se Bhi Na Jaao

Inhi Khush Gumaaniyon Main Kahin Jaan Se Bhi Na Jaao
Wo Jo Chaaragar Nahin Hai Use Zakhm Kyun Dhikhaao
Ye Udasiyon Ke Mausam Kahin Raayegaan Na Jaaye
Kisi Zakhm Ko Kuredo Kisi Dard Ko Jagaao
Wo Kahaaniyaan Adhuuri Jo Na Ho Sakengi Poori
Unhe Main Bhi Kyu Sunaaun Unhe Tum Bhi Kyu Sunaao
Mere Hamsafar Puraane Mere Ab Bhi Muntazir Hain
Tumhen Saath Chodana Hai To Abhi Se Chod Jaao
Ye Judaaiyon Ke Raste Badi Door Tak Gaye Hain
Jo Gaya Wo Phir Na Lautaa Meri Baat Maan Jaao
Kisi Bewafa Ki Khaatir Ye Junoon ‘Faraz’ Kab Tak
Jo Tumhe Bhula Chuka Hai Use Tum Bhi Bhool Jaao

Hui Hai Shaam To Aankhon Main Bas Gaya Phir Tu

Hui Hai Shaam To Aankhon Main Bas Gaya Phir Tu
Kahaan Gaya Hai Mere Shahar Ke Musafir Tu
Bahut Udaas Hai Ik Shakhs Tere Jaane Se
Jo Ho Sake To Chala Aa Usi Ki Khaatir Tu
Meri Misaal Ki Ik Nakhl-E-Khushk-E-Saharaa Hoon
Tera Khayaal Ki Shaakh-E-Chaman Ka Taair Tu
Main Jaanta Hoon Ke Duniya Tujhe Badal Degi
Main Maanta Hoon Ke Aisa Nahin Bazaahir Tu
Hansi Khushi Se Bichad Ja Agar Bichadana Hai
Ye Har Maqaam Pe Kya Sochta Hai Aakhir Tu
‘Faraz’ Tune Use Mushkilon Main Daal Diya
Zamaana Saahib-E-Zar Aur Sirf Shaayar Tu

Hawa Ke Zor Se Pindaar-E-Baam-O-Daar Bhi Gaya

Hawa Ke Zor Se Pindaar-E-Baam-O-Daar Bhi Gaya
Chiraag Ko Jo Bachaate The Un Ka Ghar Bhi Gaya
Pukaarte Rahe Mahfooz Kishtiyon Waale
Main Doobata Hua Dariya Ke Paar Utar Bhi Gaya
Ab Ehatiyaat Ki Diwaar Kya Uthaate Ho
Jo Chor Dil Main Chupa Tha Wo Kaam Kar Bhi Gaya
Main Chup Raha Ki Is Main Thi Aafiyat Jaan Ki
Koi To Meri Tarah Tha Jo Daar Par Bhi Gaya
Sulagte Sochte Viraan Mausamon Ki Tarah
Kadaa Tha Ahad-E-Jawani Magar Guzar Bhi Gaya
Jise Bhoola Na Saka Us Ko Yaad Kya Rakhta
Jo Naam Dil Main Raha Zehan Se Utar Bhi Gaya
Phati-Phati Hui Aankhon Se Yoon Na Dekh Mujhe
Tujhe Talaash Hai Jis Ki Wo Shakhs Mar Bhi Gaya
Magar Falak Ki Adaawat Usi Ke Ghar Se Na Thi
Jahaan ‘Faraz’ Na Tha Sail-E-Gam Udhar Bhi Gaya

Haath Uthe Hain Magar Lab Pe Dua Koi Nahin

Haath Uthe Hain Magar Lab Pe Dua Koi Nahin
Ki Ibaadat Bhi Vo Jis Ki Jaza Koi Nahin
Ye Bhi Waqt Aana Tha Ab To Gosh Har Aawaz Hai
Aur Mere Barbaad-E-Dil Main Sada Koi Nahin
Aa Ke Ab Taslim Kar Le Tu Nahin To Main Sahi
Kaun Maanega Ke Ham Main Bewafa Koi Nahin
Waqt Ne Wo Khaak Udaai Hai Ke Dil Ke Dasht Se
Qaafile Guzare Hain Phir Bhi Naqsh-E-Paa Koi Nahin
Khud Ko Yoon Mahasur Kar Baithaa Hoon Apni Zaat Main
Manzile Chaaron Taraf Hai Raasta Koi Nahin
Kaise Raaston Se Chale Aur Kis Jagah Pahunche ‘Faraz’
Yaa Hujoom-E-Dostaan Tha Saath Ya Koi Nahin

Gile Fuzul The Ahad-E-Wafa Ke Hote Hue

Gile Fuzul The Ahad-E-Wafa Ke Hote Hue
So Chup Raha Sitam-E-Naarawa Ke Hote Hue
Ye Qurbaton Main Ajab Faasle Pade Ki Mujhe
Hai Aashna Ki Talab Aashna Ke Hote Hue
Vo Hilaagar Hain Jo Majabooriyaan Shumaar Karen
Chiraag Ham Ne Jalaaye Hawa Ke Hote Huye
Na Kar Kisi Pe Bharosa Ke Kashtiyaan Doobi
Khuda Ke Hote Huye Nakhuda Ke Hote Huye
Kise Khabar Hai Ki Kasa-Ba-Dast Phirte Hain
Bahut Se Log Saron Par Huma Ke Hote Hue
‘Faraz’ Aise Bhi Lamhen Kabhi Kabhi Aaye
Ki Dil Girifta Raha Dilruba Ke Hote Hue

Faraz Ab Koi Sauda Koi Junoon Bhi Nahin

‘Faraz’ Ab Koi Sauda Koi Junoon Bhi Nahin
Magar Qaraar Se Din Kat Rahe Hon Yoon Bhi Nahin
Lab-O-Dahan Bhi Mila Guftagu Ka Fan Bhi Mila
Magar Jo Dil Pe Guzarti Hai Kah Sakun Bhi Nahin
Meri Zubaan Ki Luknat Se Bad_Gumaan Na Ho
Jo Tu Kahe To Tujhe Umar Bhar Miluun Bhi Nahin
‘Faraz’ Jaise Koi Diya Turbat-E-Hawa Chaahe Hai
Tu Paas Aaye To Mumkin Hai Main Rahoon Bhi Nahin

Dukh Fasaana Nahi Ke Tujh Se Kahen

Dukh Fasaana Nahi Ke Tujh Se Kahen
Dil Bhi Maana Nahin Ke Tujh Se Kahen
Aaj Tak Apani Bekali Ka Sabab
Khud Bhi Jaana Nahin Ke Tujh Se Kahen
Ek Tu Harf Aashna Tha Magar
Ab Zamana Nahin Ke Tujh Se Kahen
Be-Tarah Dil Hai Aur Tujh Se
Dostana Nahin Ke Tujh Se Kahen
Ai Khuda Dard-E-Dil Hai Bakhashish-E-Dost
Aab-O-Daana Nahin Ke Tujh Se Kahen

Dost Ban Kar Bhi Nahi Saath Nibhaane Waala

Dost Ban Kar Bhi Nahi Saath Nibhaane Waala
Wahi Andaaz Hai Zaalim Ka Zamaane Waala
Ab Ise Log Samajhte Hain Giraftaar Mera
Sakht Nadim Hai Mujhe Daam Main Lane Waala
Kya Kahe Kitne Maraasim The Hamaare Is Se
Wo Jo Ik Shakhs Hai Muunh Pher Ke Jaane Waala
Tere Hote Hue Aa Jaati Thi Saari Duniya
Aaj Tanha Hoon To Koi Nahi Aane Waala
Muntazir Kis Ka Hoon Tuuti Hui Dahliz Pe Main
Kaun Aayega Yaha Kaun Hai Aane Waala
Main Ne Dekha Hai Bahaaron Main Chaman Ko Jalate
Hai Koi Khwaab Ki Taabir Bataane Waala
Kya Khabar Thi Jo Meri Jaan Main Ghula Hai Itana
Hai Vahi Mujh Ko Sar-E-Daar Bhi Laane Waala
Tum Takalluf Ko Bhi Ikhlaas Samajhte Ho ‘Faraz’
Dost Hota Nahi Har Haath Milaane Waala

Dil Bhi Bujha Ho Shaam Ki Parchaaiyaan Bhi Hoon

Dil Bhi Bujha Ho Shaam Ki Parchaaiyaan Bhi Hoon
Mar Jaaiye Jo Aise Main Tanhaaiyaan Bhi Hoon
Aankhon Ki Surkh Lahar Hai Mauj-E-Suparadagi
Ye Kya Zaroor Hai Ke Ab Angadaaiyaan Bhi Hoon
Har Husn-E-Saada Lau Na Dil Main Utar Saka
Kuchh To Mizaaj-E-Yaar Main Geharaaiyaan Bhi Hoon
Duniya Ke Tazkire To Tabiyat Hi Le Bujhe
Baat Us Ki Ho To Phir Sukhan Aaraaiyaan Bhi Hoon
Pahal Pahal Ka Ishq Abhi Yaad Hai ‘Faraz’
Dil Khud Ye Chaahta Hai Ke Ruswaaiyaan Bhi Hoon

Chhede Main Ne Kabhi Lab-O-Rukhsaar Ke Qisse

Chhede Main Ne Kabhi Lab-O-Rukhsaar Ke Qisse
Gahe Gul-O-Bulbul Ki Hikaayat Ko Nikhaara
Gahe Kisi Shahzaade Ke Afsaane Sunaaye
Gahe Kya Duniyaa-E-Paristaan Ka Nazaara
Main Khoya Raha Jin-O-Malaik Ke Jahaan Main
Har Lahajaa Agarche Mujhe Aadam Ne Pukaara
Barson Yoon Hi Dil_Jamii-E-Aurang Ki Khaatir
Sau Phool Khilaaye Kabhi Sau Zakhm Kharide
Main Likhata Raha Hijv Bagawat Manshoon Ki
Main Padhata Raha Qasr_Nashiinon Ke Qaside
Ubharaa Bhii Agar Dil Me.N Ko_Ii Jazabaa-E-Sar_Kash
Is Khauf Se Chup Tha Ke Koi Honth Na Si De
Lekin Ye Tilismaat Bhi Taa Der Na Rah Paaye
Aakhir Mai-O-Minaa-O-Daf-O-Chang Bhi Toote
Yoon Dast-O-Garebaan Hua Insaan-O-Khudaband
Nakhachir To Tadape Qafas-E-Rang Bhi Toote
Is Kashmakash-E-Zarra-O-Anjum Ki Fizaa Main
Kash Kol To Kya Afsar-O-Aurang Bhi Toote
Main Dekh Raha Tha Mere Yaaron Ne Badhkar
Qaatil Ko Pukaara Kabhi Maqtal Ko Sada Di
Gahe Rasn-O-Daar Ke Aagosh Main Jhoole
Gahe Haram-O-Dair Ki Buniyaad Hila Di
Jis Aag Se Bharpoor Tha Maahaul Ka Sina
Wo Aag Mere Lauh-O-Qalam Ko Bhi Pila Di
Aur Aaj Shikasta Hua Har Tauq-E-Talaai
Ab Fan Mera Darbaar Ki Jagir Nahin Hai
Ab Mera Hunar Hai Mere Jamahoor Ki Daulat
Ab Mera Junoon Kaif-E-Taazir Nahin Hai
Ab Dil Pe Jo Guzaregi Be-Tok Kahoonga
Ab Mere Qalam Main Koi Zanjir Nahin Hai

Barson Ke Baad Dekha Ik Shakhs Dil Ruba Sa

Barson Ke Baad Dekha Ik Shakhs Dil Ruba Sa
Ab Zehen Main Nahin Hai Par Naam Tha Bhala Sa

Abroo Khinche Khinche Se Aankhain Jhuki Jhuki Si
Batain Ruki Ruki Si Lehaja Thaka Thaka Sa

Alfaaz The Ke Jugnu Awaaz Ke Safar Main
Ban Jaaye Jungalon Main Jis Tarah Raasta Sa

Khwaabon Main Khwaab Us Ke Yaadon Main Yaad Us Ki
Nindon Main Ghul Gaya Ho Jaise Ke Rat Jaga Sa

Pahle Bhi Log Aaye Kitne Hi Zindagi Main
Wo Har Tarah Se Lekin Auron Se Tha Juda Sa

Agli Mohabbaton Ne Wo Naa Muraadiyaan Di
Taaza Rafaaqaton Se Dil Tha Dara Dara Sa

Kuchh Ye Ke Muddaton Se Ham Bhi Nahin The Roye
Kuchh Zahar Main Bujha Tha Ahabaab Ka Dilaasa

Phir Yoon Hua Ke Saawan Aankhon Main Aa Base The
Phir Yoon Hua Ke Jaise Dil Bhi Tha Aablaa Sa

Ab Sach Kahain To Yaaro Ham Ko Khabar Nahin Thi
Ban Jaayega Qayamat Ik Vaaqia Zara Sa

Tewar The Berukhi Ke Andaaz Dosti Ke
Wo Ajnabi Tha Lekin Lagta Tha Aashna Sa

Ham Dasht The Ke Dariya Ham Zahar The Ke Amrit
Naahaq Tha Zonum Ham Ko Jab Vo Nahin Tha Pyasa

Hum Ne Bhi Us Ko Dekhaa Kal Shaam Ittefaaqan
Apana Bhi Haal Hai Ab Logo ‘Faraz’ Ka Sa

Badan Main Aag Si Chehra Gulaab Jaisa Hai

Badan Main Aag Si Chehra Gulaab Jaisa Hai
Ke Zahar-E-Gham Ka Nasha Bhi Sharaab Jaisa Hai
Kahaan Wo Qurb Ke Ab To Ye Haal Hai Jaise
Tere Firaaq Ka Aalam Bhi Khwaab Jaisa Hai
Magar Kabhi Koi Dekhe Koi Padhe To Sahi
Dil Aaina Hai To Chehra Kitaab Jaisa Hai
Wo Saamne Hai Magar Tishnagi Nahin Jaati
Ye Kya Sitam Hai Ke Dariya Saraab Jaisa Hai
‘Faraz’ Sang-E-Malaamat Se Zakhm Zakhm Sahi
Hamain Aziz Hai Khana Kharaab Jaisa Hai

Aise Chup Hain Ke Ye Manzil Bhi Kadi Ho Jaise

Aise Chup Hain Ke Ye Manzil Bhi Kadi Ho Jaise
Tera Milna Bhi Judaai Ki Ghadi Ho Jaise
Apne Hi Saaye Se Har Gaam Laraz Jaata Hoon
Raaste Main Koi Diwar Khadi Ho Jaise
Manzile Door Bhi Hain Manzilen Nazadik Bhi Hain
Apne Hi Paaon Main Zanjir Padi Ho Jaise
Kitne Naada Hain Tere Bhulane Waale Ke Tujhe
Yaad Karne Ke Liye Umar Padi Ho Jaise
Aaj Dil Khol Ke Roye Hain To Yoon Khush Hai ‘Faraz’
Chand Lamhon Ki Ye Raahat Bhi Badi Ho Jaise

Ab Naye Saal Ki Mohlat Nahin Milane Waali

Ab Naye Saal Ki Mohlat Nahin Milane Waali
Aa Chuke Ab To Shab-O-Roz Azaabon Waale
Ab To Sab Dashna-O-Khanjar Ki Zubaa Bolate Hain
Ab Kahaan Log Mohabbat Ke Nisaabon Waale
Zinda Rehne Ki Tamanna Ho To Ho Jaate Hain
Faakhtaaon Ke Bhi Kirdaar Uqaabon Waale
Na Mere Zakhm Khile Hain Na Teraa Rang-E-Hina
Mausam Aaye Hi Nahin Ab Ke Gulaabon Waale

Ab Kis Ka Jashn Manaate Ho Us Des Ka Jo Taqsim Hua

Ab Kis Ka Jashn Manaate Ho Us Des Ka Jo Taqsim Hua
Ab Kis Ke Geet Sunaate Ho Us Tan-Man Ka Jo Do-Nim Hua
Us Khwaab Ka Jo Reza Reza Un Aankhon Ki Taqadir Hua
Us Naam Ka Jo Tukada Tukada Galiyon Main Be-Tauqir Hua
Us Parcham Ka Jis Ki Hurmat Baazaron Main Nilaam Hui
Us Mitti Ka Jis Ki Hurmat Mansoob Udu Ke Naam Hui
Us Jung Ko Jo Tum Har Chuke Us Rasm Ka Jo Jaari Bhi Nahin
Us Zakhm Ka Jo Seene Pe Na Tha Us Jaan Ka Jo Vaari Bhi Nahin
Us Khoon Ka Jo Bad Qismat Tha Raahon Main Bahaya Tan Main Raha
Us Phool Ka Jo Be-Qeemat Tha Aangan Main Khila Ya Ban Main Raha
Us Mashriq Ka Jis Ko Tum Ne Neze Ki Ani Marham Samajha
Us Magarib Ka Jis Ko Tum Ne Jitana Bhi Lutaa Kam Samajha
Un Masoomon Ka Jin Ke Lahoo Se Tum Ne Farozaan Raate Ki
Ya Un Mazaloomo Ka Jis Se Khanjar Ki Zuba Main Baatain Ki
Us Mariyam Ka Jis Ki Iffat Lutati Hai Bhare Baazaron Main
Us Isa Ka Jo Qaatil Hai Aur Shaamil Hai Gam Khvaaron Main
In Nauhaagaron Ka Jin Ne Hamain Khud Qatl Kiya Khud Rote Hain
Aise Bhi Kahin Dam Saaz Hue Aise Jallaad Bhi Hote Hain
Un Bhooke Nange Dhaanchon Ka Jo Raqs Sar-E-Bazar Kare
Ya Un Zaalim Qazzaaqon Ka Jo Bhes Badal Kar Vaar Kare
Ya Un Jhoote Iqaraaron Ka Jo Aaj Talak Aifa Na Hue
Ya Un Bebas Laachaaron Ka Jo Aur Bhi Dukh Ka Nishaana Hue
Is Shaahi Ka Jo Dast-Ba-Dast Aai Hai Tumhaare Hisse Main
Kyon Nang-E-Vatan Ki Baat Karo Kya Rakha Hai Is Qisse Main
Aankhon Main Chupaaye Ashkon Ko Honthon Main Wafa Ke Bol Liye
Is Jashn Main Bhi Shaamil Hoon Nauhon Se Bhara Kashkol Liye

Ab Ke Tajdid-E-Wafa Ka Nahin Imkaan Jaana

Ab Ke Tajdid-E-Wafa Ka Nahin Imkaan Jaana
Yaad Kya Tujh Ko Dilaaye Tera Paimaan Jaana
Yuun Hi Mausam Ki Adaa Dekh Ke Yaad Aaya Hai
Kis Qadar Jald Badal Jaate Hain Insaan Jaana
Zindagi Teri Ataa Thi So Tere Naam Ki Hai
Ham Ne Jaise Bhi Basar Ki Tera Ehsaa.N Jaana
Dil Ye Kehta Hai Ki Shayad Ho Fasurda Tu Bhi
Dil Ki Kya Baat Karain Dil To Hai Nadaan Jaana
Awwal-Awwal Ki Mohabbat Ke Nashe Yaad To Kar
Be-Piye Bhi Tera Chehra Tha Gulistaan Jaana
Aakhir Aakhir To Ye Aalam Hai Ki Ab Hosh Nahin
Rag-E-Mina Sulag Uthii Ki Rag-E-Jaan Jaana
Muddaton Se Ye Aalam Na Tavaqqo Na Ummid
Dil Pukare Hi Chala Jaata Hai Jaana Jaana
Ham Bhi Kya Sada The Ham Ne Bhi Samajh Rakha Tha
Gam-E-Dauraa Se Juda Hai Gam-E-Jaana Jaana
Ab Ki Kuchh Aisi Saji Mahafil-E-Yaaran Jaana
Sar-Ba-Zaanu Hai Koi Sar-Ba-Girebaan Jaana
Har Koi Apani Hi Awaaz Se Kaanp Uthta Hai
Har Koi Apne Hi Saaye Se Hiraasan Jaana
Jis Ko Dekho Wahi Zanjir-Ba-Paa Lagata Hai
Shahar Ka Shahar Hua Dakhil-E-Zindaan Jaana
Ab Tera Zikr Bhi Shayad Hi Ghazal Main Aaye
Aur Se Aur Hua Dard Ka Unvaan Jaana
Ham Ki Roothi Hui Rut Ko Bhi Mana Lete The
Ham Ne Dekhaa Hi Na Tha Mausam-E-Hijraan Jaana
Hosh Aaya To Sabhi Khuwab The Rezaa-Rezaa
Jaise Udte Huye Auraaq-E-Pareshaan Jaana

Ab Ke Rut Badli To Khushboo Ka Safar Dekhega Kaun

Ab Ke Rut Badli To Khushboo Ka Safar Dekhega Kaun
Zakhm Phoolon Ki Tarah Mahkenge Par Dekhegaa Kaun
Dekhna Sab Raqs-E-Bismal Main Magan Ho Jaayenge
Jis Taraf Se Tir Aayega Udhar Dekhega Kaun
Wo Hawas Ho Ya Wafa Ho Baat Maharumi Ki Hai
Log To Phal-Phool Dekhenge Shajar Dekhegaa Kaun
Ham Chiraag-E-Shab Hi Jab Thahre To Phir Kya Sochna
Raat Thi Kis Ka Muqaddar Aur Sahar Dekhega Kaun
Aa Fasil-E-Shahar Se Dekhen Ganim-E-Shahar Ko
Shahar Jalta Ho To Tujh Ko Baam Par Dekhegaa Kaun

Ab Ke Ham Bichhde To Shaayad Kabhi Khwaabon Main Mile

Ab Ke Ham Bichhde To Shaayad Kabhi Khwaabon Main Mile
Jis Tarah Sukhe Hue Phool Kitaabon Main Mile
Dhoond Ujade Hue Logon Main Wafaa Ke Moti
Ye Khazaane Tujhe Mumkin Hai Kharaabon Main Mile
Tu Khuda Hai Na Mera Ishq Farishton Jaisa
Dono Insaan Hain To Kyon Itne Hijaabon Main Mile
Gham-E-Duniya Bhi Gham-E-Yaar Main Shaamil Kar Lo
Nasha Badata Hai Sharabain Jo Sharabon Main Mile
Aaj Ham Daar Pe Khenche Gaye Jin Baaton Par
Kya Ajab Kal Wo Zamaane Ko Nisaabon Main Mile
Ab Na Wo Main Hoon Na Tu Hai Na Wo Maazi Hai `Faraz’,
Jaise Do Shakhs Tamanna Ke Saraabon Maim Mile

Aankh Se Door Na Ho Dil Se Utar Jaayega

Aankh Se Door Na Ho Dil Se Utar Jaayega
Waqt Ka Kya Hai Guzarta Hai Guzar Jaayega
Itna Maanus Na Ho Khilwat-E-Gham Se Apni
Tu Kabhi Khud Ko Bhi Dekhega To Dar Jaayega
Tum Sar-E-Raah-E-Wafaa Dekhte Rah Jaaoge
Aur Wo Baam-E-Rafaaqat Se Utar Jaayega
Zindagi Teri Ataa Hai To Ye Jaane Walaa
Teri Bakshish Teri Dehaliz Pe Dhar Jaayega
Doobte Doobte Kashti To Ochhaala De Doon
Main Nahin Koi To Saahil Pe Utar Jaayega
Zabt Laazim Hai Magar Dukh Hai Qayamat Ka ‘Faraz’
Zaalim Ab Ke Bhi Na Royega To Mar Jayega

Ashiqi Be-Dili Se Mushkil Hai

Ashiqi Be-Dili Se Mushkil Hai
Phir Mohabbat Usi Se Mushkil Hai
Ishq Aaghaz Hi Se Mushkil Hai
Sabar Karna Abhi Se Mushkil Hai
Ham ?? Asaan Hain Aur Hamaare Liye
Dushmani Dosti Se Mushkil Hai
Jis Ko Sab Bewafaa Samjhate Hon
Bewafaai Usi Se Mushkil Hai
Ek Dusare Se Sahel Na Jaan
Har Koi Har Kisi Se Mushkil Hai
Tu Baazid Hai To Jaa ‘Faraz’ Magar
Waapasi Usi Gali Se Mushkil Hai

Koi Chehra Hua Roshan Na Ujagar Aankhe

Koi Chehra Hua Roshan Na Ujagar Aankhe
Aaina Dekh Rahi Thi Meri Patthar Aankhen
Le Udi Waqt Ki Aandhi Jinhe Apne Hamraah
Aaj Phir Dhundh Rahi Hain Vahi Manzar Aankhen
Phut Niklin To Kai Shahar-E-Tamanna Dube
Ek Qatre Ko Tarasti Hui Banjar Aankhe
Us Ko Dekha Hai To Ab Shauq Ka Wo Aalam Hai
Apne Halko Se Nikal Aai Hain Baahar Aankhen
Tu Nigaahon Ki Zubaan Khub Samajhta Hoga
Teri Jaanib To Utha Karti Hain Aksar Aankhen
Log Marte Na Dar-O-Baam Se Takra Ke Kabhi
Dekh Lete Jo ‘Kamaal’ Us Ki Samandar Aankhen

Ajnabi Khauf Fizaon Main Basa Ho Jaise

Ajnabi Khauf Fizaon Main Basa Ho Jaise
Shahar Ka Shahar Hi Aaseb Zadaa Ho Jaise
Raat Ke Pichle Pahar Aati Hain Aawaze Si
Dur Sahra Main Koi Chikh Raha Ho Jaise
Dar-O-Diwaar Pe Chaai Hai Udasi Aisi
Aaj Har Ghar Se Janaza-Sa Utha Ho Jaise
Muskurata Hoon Pa-E-Khaatir-E-Ahbaab Magar
Dukh To Chehre Ki Lakiron Pe Sajaa Ho Jaise
Ab Agar Doob Gaya Bhi To Marunga Na ‘Kamaal’
Bahte Paani Pe Mera Naam Likha Ho Jaise

Tum Aur Fareb Khaao Bayaan-E-Raqib Se

Tum Aur Fareb Khaao Bayaan-E-Raqib Se
Tum Se To Kam Gila Hai Ziyada Nasib Se
Goya Tumhari Yaad Hi Mera Ilaaj Hai
Hota Hai Pahron Zikr Tumhara Tabib Se
Barbaad-E-Dil Ka Aakhiri Sarmaya Thi Ummid
Vo Bhi To Tum Ne Chhin Liyaa Mujh Garib Se
Dhundhla Chali Nigaah Dam-E-Vapsi Hai Ab
Aa Paas Aa Ke Dekh Lun Tujh Ko Qarib Se

Su-E-Maikada Na Jaate To Kuch Aur Baat Hoti

Su-E-Maikada Na Jaate To Kuch Aur Baat Hoti
Wo Nigaah Se Pilaate To Kuch Aur Baat Hoti
Go Hawa-E-Gulsitaan Ne Mere Dil Ki Laaj Rakh Li
Wo Naqaab Khud Uthate To Kuch Aur Baat Hoti
Ye Bajaa Kali Ne Khil Kar Kiya Gulsitaan Muattar
Magar Aap Muskurate To Kuch Aur Baat Hoti
Ye Khule Khule Se Gesu, Inhen Laakh Tu Sanwaare
Mere Haath Se Sanwarte, To Kuch Aur Baat Hoti
Go Haram Ke Raste Se Vo Pahunch Gaye Khuda Tak
Teri Rahaguzar Se Jaate To Kuch Aur Baat Hoti

Karb Ke Shahar Se Nikle To Ye Manzar Dekha

Karb Ke Shahar Se Nikle To Ye Manzar Dekha
Ham Ko Logon Ne Bulaya Hame Chhu Kar Dekha
Jab Bhi Chaha Hai Ki Malabus-E-Wafa Ko Chhu Len
Misl Khushboo Koi Udtaa Hua Paikar Dekha
Wo Barsaat Main Bhiga To Nigahen Utthin
Yon Laga Hai Koi Tarsha Hua Patthar Dekha
Zindagi Kitni Pareshaan Hai Ye Socha Bhi Na Tha
Is Ke Atraaf Main Sholon Ka Samandar Dekha
Aa Gai Gam Ki Hawa Phir Tere Gesu Chhukar
Hamne Virana-E-Dil Phir Se Mu’attar Dekha
Wo Jo Udti Hai Sadaa Dasht-E-Wafa Main “Afzal”
Usi Mitti Main Nihaan Dard Kaa Gauhar Dekha

Is Tarah Sataya Hai Pareshaan Kiya Hai

Is Tarah Sataya Hai Pareshaan Kiya Hai
Goya Ki Mohabbat Nahin Ehsaan Kiya Hai
Socha Tha Ki Tum Dusron Jaise Nahin Hoge
Tum Ne Bhi Vahi Kaam Meri Jaan Kiya Hai
Mushkil Tha Bahut Mere Liye Tark-E-Taalluq
Ye Kaam Bhi Tum Ne Mera Aasaan Kiya Hai
Har Roz Sajaate Hain Teri Hijr Main Gunche
Aankhon Ko Teri Yaad Main Guldaan Kiya Hai

Gajra Bana Ke Le Aa Maalaniya

Gajra Bana Ke Le Aa Maalaniya
Vo Aaye Hain Ghar Main Hamaare
Der Na Ab Tu Laga
Saara Chaman Ho Jinka Deewana
Aisi Kaliyaan Chun Ke Laa
Laali Ho Jin Main Un Ke Labon Ki
Un Ko Piro Ke Le Aa
Jo Bhi Dekhe Un Ki Surat
Jhuki Jhuki Ankhiyon Se Pyaar Kare
Chanda Jaisa Roop Hai Un Ka
Aankhon Main Ras Hai Bhara

Dil Ajab Gumbad Ki Jis Main Ik Kabutar Bhi Nahin

Dil Ajab Gumbad Ki Jis Main Ik Kabutar Bhi Nahin
Itna Viraan To Murdaron Ka Muqaddar Bhi Nahin
Dubti Jaati Hain Mitti Main Badan Ki Kashtiyaan
Dekhne Main Ye Zameen Koi Samandar Bhi Nahin
Jitne Hangame The Sukhi Tahaniyon Se Jhad Gaye
Ped Par Phal Bhi Nahin Aangan Main Patthar Bhi Nahin
Khushk Tahni Par Parinda Hai Ki Patta Hai ‘Adeem’
Aashiyana Bhi Nahin Jis Ka Koi Par Bhi Nahin
Jitni Pyaari Hain Meri Dharti Jo Zanjiren ‘Adeem’
Itna Pyara To Kisi Dulhan Ko Zevar Bhi Nahin

Faasle Aise Bhi Honge Ye Kabhi Socha Na Tha

Faasle Aise Bhi Honge Ye Kabhi Socha Na Tha
Saamne Baitha Tha Mere Aur Vo Mera Na Tha
Vo Ki Khushbu Ki Tarah Phaila Tha Mere Chaar Su
Main Use Mahsuus Kar Sakta Tha Chhu Sakta Na Tha
Raat Bhar Us Ki Hi Aahat Kaan Main Aati Rahi
Jhaank Kar Dekha Gali Main Koi Bhi Aaya Na Tha
Aks To Maujud The Par Aks Tanhaai Ke The
Aaina To Tha Magar Us Main Tera Chehra Na Tha
Aaj Us Ne Dard Bhi Apne Alahada Kar Diye
Aaj Main Roya To Mere Saath Vo Roya Na Tha
Ye Sabhi Viraniyaan Us Ke Juda Hone Se Thin
Aankh Dhundhalaai Hui Thi Shahar Dhundhlaaya Na Tha
Yaad Karke Aur Bhi Taklif Hoti Thi “Adeem”
Bhool Jaane Ke Siva Ab Koi Bhi Chaara Na Tha

Kat Hi Gai Judaai Bhi Kab Yun Hua Ke Mar Gaye

Kat Hi Gai Judaai Bhi Kab Yun Hua Ke Mar Gaye
Tere Bhi Din Guzar Gaye Mere Bhi Din Guzar Gaye
Tu Bhi Kuch Aur Aur Hai Ham Bhi Kuch Aur Aur Hain
Jaane Vo Tu Kidhar Gaya Jaane Vo Ham Kidhar Gaye
Raahon Main Hi Mile The Ham Raahen Naseeb Ban Gai
Tu Bhi Na Apne Ghar Gaya Ham Bhi Na Apne Ghar Gaye
Vo Bhi Gubaar-E-Khaak Tha Ham Bhi Gubaar-E-Khaak The
Vo Bhi Kahin Bikhar Gaya Ham Bhi Kahin Bikhar Gaye
Koi Kinaar-E-Aab-E-Ju Baitha Hua Hai Sarnigun
Kashti Kidhar Chali Gai Jaane Kidhar Bhanvar Gaye
Tere Liye Chale The Ham Tere Liye Thahar Gaye
Tu Ne Kaha To Ji Uthe Tu Ne Kaha To Mar Gaye
Vaqt Hi Kuch Judaai Ka Itna Tavil Ho Gaya
Dil Main Tere Firaaq Ke Jitne The Zakhm Bhar Gaye
Baarish-E-Vasl Vo Hui Saara Gubaar Dhul Gaya
Vo Bhi Nikhar Nikhar Gaya Ham Bhi Nikhar Nikhar Gaye
Itne Qarib Ho Gaye Itne Raqib Ho Gaye
Vo Bhi “Adeem” Dar Gaya Ham Bhi “Adeem” Dar Gaye

Ik Khalish Ko Haasil-E-Umr-E-Ravaan Rahne Diya

Ik Khalish Ko Haasil-E-Umr-E-Ravaan Rahne Diya
Jaan Kar Ham Ne Unhen Nameharbaan Rahne Diya
Kitni Divaaron Ke Saaye Haath Phailate Rahe
Ishq Ne Lekin Hamen Bekhwanmaan Rahne Diya
Apne Apne Hausle Apni Talab Ki Baat Hai
Chun Liya Hamne Unhen Saara Jahaan Rahne Diya
Ye Bhi Kya Jine Main Jina Hai Bagair Un Ke “Adeeb”
Shama Gul Kar Di Gai Baaqi Dhuaan Rahne Diya

Shaayad Abhi Hai Raakh Main Koi Sharaar Bhi

Shaayad Abhi Hai Raakh Main Koi Sharaar Bhi
Kyon Varna Intezar Bhi Hai Iztiraar Bhi
Dhyaan Aa Gaya Hai Marg-E-Dil-E-Namuraad Ka
Milne Ko Mil Gaya Hai Sukun Bhi Qaraar Bhi
Ab Dhundhane Chale Ho Musafir Ko Dosto
Hadd-E-Nigaah Tak Na Raha Jab Gubaar Bhi
Har Aastaan Pe Naasiyaa Farsa Hain Aaj Vo
Jo Kal Na Kar Sake The Tera Intezaar Bhi
Ik Raah Ruk Gai To Thithak Kyon Gai ‘Ada’
Abaad Bastiyaan Hain Pahaadon Ke Paar Bhi

Na Gubaar Main Na Gulaab Main Mujhe Dekhna

Na Gubaar Main Na Gulaab Main Mujhe  Dekhna
Mere Dard Ki Aab-O-Tab Main Mujhe  Dekhna
Kisi Waqt Shaam Malaal Main Mujhe Sochna
Kabhi Apne Dil Ki Kitaab Main Mujhe Dekhna
Kisi Dhun Main Tum Bhi Jo Bastiyon Ko Tyaag Do
Isi Rah-E-Khana Kharaab Main Mujhe Dekhna
Kisi Raat Maah-O-Najum Se Mujhe  Puchna
Kabhi Apni Chashm Puraab Main Mujhe  Dekhna
Isi Dil Se Ho Kar Guzar Gaye Kai Karvaan
Ki Hijraton Ke Zaab Main Mujhe  Dekhna
Main Na Mil Sakun Bhi To Kya Hua Ke Fasana Hoon
Nai Dastaan Naye Baab Main Mujhe Dekhna
Mere Khaar Khaar Savaal Main Mujhe Dhundhna
Mere Geet Main Mere Khwaab Main Mujhe  Dekhna
Mere Aansuon Ne Bujhaai Thi Meri Tashnagi
Isi Barg Zida Sahaab Main Mujhe  Dekhna
Vahi Ik Lamha Deed Tha Ke Ruka Raha
Mere Roz-O-Shab Ke Hisaab Main Mujhe  Dekhna
Jo Tadap Tujhe Kisi Aaine Main Na Mil Sake
To Phir Aaine Ke Jawab Main Mujhe  Dekhna

Akhiri Tis Aazmane Ko

Akhiri Tis Aazmane Ko
Ji To Chaha Tha Muskurane Ko
Yaad Itni Bhi Sakht Jaan To Nahin
Ik Gharaunda Raha Hai Dahaane Ko
Sangrezon Main Dhal Gaye Aansu
Log Hanste Rahe Dikhane Ko
Zakhm-E-Nagma Bhi Lau To Deta Hai
Ik Diya Rah Gaya Jalaane Ko
Jalne Waale To Jal Bujhe Aakhir
Kaun Deta Khabar Zamaane Ko
Kitne Majboor Ho Gaye Honge
Ankahi Baat Munh Pe Laane Ko
Khul Ke Hansna To Sab Ko Aata Hai
Log Taraste Rahe Ik Bahaane Ko
Reza Reza Bikhar Gaya Insaan
Dil Ki Viraniyaan Jatane Ko
Hasraton Ki Panaah Gaahon Main
Kya Thikane Hain Sar Chupane Ko
Haath Kaanton Se Kar Liye Zakhmi
Phool Baalon Main Ik Sajaane Ko
Aas Ki Baat Ho Ki Saans ‘Ada’
Ye Khilone Hain Toot Jaane Ko

Na haaraa hai ishq na duniyaa thakii hai

na haaraa hai ishq aur na duniyaa thakii hai
diyaa jal rahaa hai havaa chal rahii hai
sukuuN hii sukuuN hai, Khushii hii Khushii hai
teraa Gham salaamat mujhe kyaa kamii hai
vuh moujood haiN aur un kee kami hai
mahabbat bhee tanhaaee-e-daaimee hai
khatak gudgudee ka mazah dey rahi hai
jisey ishq kehtey haiN shayad yahi hai
charaaGon ke badale makaaN jal rahe haiN
nayaa hai zamaanaa, na’ii raushnii hai
jafaaoN per ghut ghut k chup rahne vaalo
Khamoshii jafaaoN kii taaiidgee hai
mere raahbar mujh ko gum-raah kar de
sunaa hai ke manzil qariib aa ga’ii hai
“Khumar”-e-baalaanosh tuu aur taubaa
tujhe zaahidoN kii nazar lag ga’ii hai

Ab bhalaa chhoR ke ghar kyaa karte

ab bhalaa chhoR ke ghar kyaa karte
shaam ke vaqt safar kyaa karte
terii masruufiyateN jaante the
apne aane kii Khabar kyaa karte
jab sitaare hii nahiiN mil paaye
le ke ham shams-o-qamar kyaa karte
vo musaafir hii khulii dhuup kaa thaa
saaye phailaa ke shajar kyaa karte

Khaak hii avval-o-aaKhir thahrii
kar (?) ke zarre ko gauhar kyaa karte
raaye pehle se hii banaa lii tuune
dil meN ab ham tere ghar kyaa karte
ishq ne saare saliiqe bakhshe
husn se kasb-e-hunar kyaa karte

• masruufiyateN : engagements;
•  shams-o-qamar : Sun and the Moon
• shajar : tree
• Khaak : dust
• avval-o-aaKhir : in the beginning and the end
• zarre : particles
• gauhar : jewels 
• saliiqe : etiquettes

 
 

Hontho Pe Kabhi Un Ke Mera Naam Hi Aaye

Hontho Pe Kabhi Un Ke Mera Naam Hi Aaye
Aaye To Sahi Bar-Sar-E-Ilzaam Hi Aaye
Hairaan Hain Lab Bastaa Hain, Dilgir Hain Gunche
Khushboo Ki Zubani Tera Paigaam Hi Aaye
Lamhaat-E-Masarrat Hain Tasavvur Se Gurezaan
Yaad Aae Hain Jab Bhi Gam-O-Aalam Hi Aaye
Taaron Se Saja Lenge Raah-E-Shahar-E-Tamanna
Maqdur Nahin Subho Chalo Shaam Hi Aaye
Yaadon Ke Wafaon Ke Aqidon Ke Gamon Ke
Kaam Aaye Jo Duniya Main To Is Naam Hi Aaye
Kya Raah Badalne Ka Gila Hamsafaron Se
Jis Raah Se Chale Tere Dar-O-Baam Hi Aaye
Thak Haar Ke Baithe Hain Sar-E-Ku-E-Tamanna
Kaam Aaye To Phir Jazba-E-Nakaam Hi Aaye
Baaqi Na Rahe Saakh “Adaa” Dasht-E-Junoon Ki
Dil Main Agar Andesha-E-Anjaam Hi Aaye

Kabhi Aansu Kabhi Khushi Bechi

Kabhi Aansu Kabhi Khushi Bechi
Ham Garibon Ne Bekasi Bechi
Chand Saanse Kharidne Ke Liye
Roz Thodii Si Zindagi Bechi
Jab Rulane Lage Mujhe Saaye
Main Ne Uqta Ke Roshni Bechi
Ek Ham The Ke Bik Gaye Khud Hi
Varna Duniya Ne Dosti Bechi

Dil Hai Aaina-E-Hairat Se Do-Chaar Aaj Ki Raat

Dil Hai Aaina-E-Hairat Se Do-Chaar Aaj Ki Raat
Gam-E-Dauraan Main Hai Aks-E-Gham-E-Yaar Aaj Ki Raat
Aatish-E-Gul Ko Daaman Se Hawa Deti Hai
Didani Hai Ravish-E-Mauj-E-Bahaar Aaj Ki Raat
Aaj Ki Raat Ka Mahmaan Hai Malbus-E-Harir
Is Chaman-Zaar Main Ugte Hain Sharar Aaj Ki Raat
Main Ne Farhad Ki Aagosh Main Shirin Dekhi
Main Ne Parvez Ko Dekha Sar-E-Daar Aaj Ki Raat
Jo Chaman Sarf-E-Khizaan Hain Wo Bulate Hain Mujhe
Mujhe Fursat Nahin Ai Jaan-E-Bahaar Aaj Ki Raat
Dar-E-Yazdaan Pe Bhi Jhukti Nahin Is Waqt Jabin
Mujh Se Aankhen Na Ladaa ??? Aaj Ki Raat
Mashaal-E-Sher Ka Laaya Hoon Chadhava “Abid”
Jagmagate Hain Shahidon Ke Mazaar Aaj Ki Raat

Chand Sitaaron Se Kya Pucho Kab Din Mere Phirte Hain

Chand Sitaaron Se Kya Pucho Kab Din Mere Phirte Hain
Wo To Bechare Khud Hain Bhikari Dere Dere Phirte Hain
Jin Galiyon Main Ham Ne Sukh Ki Sej Pe Raaten Kaati Thi
Un Galiyon Main Vyakul Hokar Saanjh Savere Phirte Hain
Rup-Sarup Ki Jot Jagana Is Nagri Main Jokhim Hai
Chaaron Khunt Bagule Ban Kar Ghor Andhere Phirte Hain
Jin Ke Shaam-Badan Saaye Main Mera Man Sustaya Tha
Ab Tak Aankhon Ke Aage Wo Baal Ghanere Phirte Hain
Koi Hame Bhi Ye Samjha Do Un Par Dil Kyon Rijh Gaya
Tikhi Chitvan Baanki Chhab Wale Bahutere Phirte Hain
Is Nagri Main Baag Aur Ban Ki Yaaro Lila Nyari Hai
Panchi Apne Sar Pe Uthakar Apne Basere Phirte Hain
Log To Daaman Si Lete Hain Jaise Ho Ji Lete Hain
‘Abid’ Ham Deewane Hain Jo Baal Bikhere Phirte Hain

Us Ki Jaam-E-Jam Aankhe Shisha-E-Badan Mera

Us Ki Jaam-E-Jam Aankhe Shisha-E-Badan Mera
Us Ki Band Mutthi Main Saara Baankpan Mera
Aao Aaj Ham Dono Apna Apna Ghar Chun Le
Tum Tabaah-E-Dil Le Lo Khitta-E-Badan Mera
Main Ne Apne Chehre Pe Sab Hunar Sajaaye The
Faash Kar Gaya Mujh Ko Saada Pairahan Mera
Dil Bhi Kho Gaya Shayad Shahar Ke Surabon Main
Ab Meri Tarah Se Hai Dard Bevatan Mera
Ek Dasht-E-Khamoshi Ab Mera Muqaddar Hai
Yaad Besada Teri Zakhm Bechaman Mera
Roz Apni Aankho Ke Khwab Khun Karta Hoon
Haaye Kin Ganimo Se Aa Pada Hai Ran Mera
Magrabi Hawa Ne Phir Ye Sandesha Bheja Hai
Muntazir Tumhara Hai Khushbuon Ka Ban Mera

Wo Baate Teri Wo Fasaane Tere

Wo Baate Teri Wo Fasaane Tere
Shagufta Shagufta Bahaane Tere
Bas Ek Zakhm Nazzara Hissa Mera
Bahaare Teri Aashiyane Tere
Bas Ek Daag-E-Sajda Meri Qayenaat
Jabinen Teri Aastane Tere
Zamir-E-Sadaf Main Kiran Ka Muqaam
Anokhe Anokhe Thikaane Tere
Faqiron Ka Jamghat Ghadi Do Ghadi
Sharaabe Teri Baadakhaane Tere
Bahaar-O-Khizaan Kam Nigahon Ke Vaham
Bure Ya Bhale Sab Zamaane Tere
“Adam” Bhi Hai Tera Hikaayat Kadaah
Kahaan Tak Gaye Hain Fasaane Tere

Tere Dar Pe Vo Aa Hi Jaate Hain

Tere Dar Pe Vo Aa Hi Jaate Hain
Jin Ko Pine Ki Aas Ho Saaqi
Aaj Itni Pilaa De Aankho Se
Khatm Rindo Ki Pyaas Ho Saaqi
Halqa Halqa Suroor Hai Saaqi
Baat Koi Zaroor Hai Saaqi
Teri Aankhe Kisi Ko Kya Dengi
Apna Apna Suroor Hai Saaqi
Teri Aankhon Ko Kar Diya Sajda
Mera Pahla Qusur Hai Saaqi
Tere Rukh Pe Ye Pareshaan Zulfe
Ik Andhere Main Noor Hai Saaqi
Teri Aankhen Kisi Ko Kya Dengi
Apna Apna Suroor Hai Saaqi
Pine Waalon Ko Bhi Nahin Maalum
Maikada Kitni Door Hai Saaqi

Suraj Ki Har Kiran Teri Surat Pe Vaar Dun

Suraj Ki Har Kiran Teri Surat Pe Vaar Dun
Dozakh Ko Chahta Hoon Ki Jannat Pe Vaar Doon
Itni Si Hai Tasalli Ki Hoga Muqabla
Dil Kya Hai Jaan Bhi Apni Qayamat Pe Vaar Dun
Ik Khwab Tha Jo Dekh Liya Nind Main Kabhi
Ik Nind Hai Jo Teri Mohabbat Pe Vaar Doon
“Adam” Hasin Nind Milegi Kahaan Mujhe
Phir Kyun Na Zindegani Ko Turbat Pe Vaar Doon

Subu Ko Daur Main Laao Bahaar Ke Din Hain

Subu Ko Daur Main Laao Bahaar Ke Din Hain
Hame Sharaab Pilaao Bahaar Ke Din Hain
Ye Kaam Aain-E-Ibaadat Hai Mausam-E-Gul Main
Hame Gale Se Lagao Bahaar Ke Din Hain
Thahar Thahar Ke Na Barso Umad Pado Yak Dam
Sitamgari Se Ghataao Bahaar Ke Din Hain
Shikasta-E-Tauba Ka Kab Aisa Aayega Mausam
“Adam” Ko Gher Ke Laao Bahaar Ke Din Hain

Saagar Se Lab Laga Ke Bahut Khush Hai Zindegi

Saagar Se Lab Laga Ke Bahut Khush Hai Zindegi
Sahan-E-Chaman Main Aake Bahut Khush Hai Zindegi
Aa Jaao Aur Bhi Zara Nazdik Jaan-E-Man
Tum Ko Qarib Paake Bahut Khush Hai Zindegi
Hotaa Ko_Ii Mahal Bhii To Kyaa Puuchhate Ho Phir
Be-Vajah Muskura Ke Bahut Khush Hai Zindegi
Saahil Pe Bhi To Itni Shagufta Ravish Na Thi
Tufaan Ke Bich Aake Bahut Khush Hai Zindegi
Viraan Dil Hai Aur “Adam” Zindegi Ka Raqs
Jungal Main Ghar Banake Bahut Khush Hai Zindegi

Phulon Ki Tahaniyon Pe Nasheman Banaiye

Phulon Ki Tahaniyon Pe Nasheman Banaiye
Bijli Gire To Jashn-E-Charagaan Manaiye
Kaliyon Ke Ang Ang Main Mitha Sa Dard Hai
Bimaar Nikahaton Ko Zara Gud-Gudaaiye
Kab Se Sulag Rahi Hai Jawani Ki Garm Raat
Zulfen Bikher Kar Mere Pahlu Main Aaiye
Bahki Hui Siyaah Ghataaon Ke Saath Saath
Ji Chahta Hai Shaam-E-Abad Tak To Jaaiye
Sun Kar Jise Hawas Main Thandak Si Aa Base
Aisi Koi Udaas Kahani Sunaaiye
Raste Pe Har Qadam Pe Kharabaat Hain “Adam”
Ye Haal Ho To Kis Tarah Daaman Bachaaiye

Phulon Ki Aarzu Main Bade Zakhm Khaaye Hain

Phulon Ki Aarzu Main Bade Zakhm Khaaye Hain
Lekin Chaman Ke Khaar Bhi Ab Tak Paraye Hain
Us Par Haraam Hai Gam-E-Dauraan Ki Talkhiyaan
Jiske Nasib Main Teri Zulfon Ke Saaye Hain
Mahshar Main Le Gai Thi Tabiyat Ki Saadgi
Lekin Bade Khulus Se Ham Laut Aaye Hain
Aaya Hoon Yaad Baad-E-Fanaa Unko Bhi ‘Adam’
Kyaa Jald Mere Sikh Pe Imaan Laaye Hain

Maikada Tha Chaandni Thi Main Na Tha

Maikada Tha Chaandni Thi Main Na Tha
Ik Mujassam Bekhudi Thi Main Na Tha
Ishq Jab Dam Todta Tha Tum Na The
Maut Jab Sar Dhun Rahi Thi Main Na Tha
Tur Par Chheda Tha Jis Ne Aap Ko
Vo Meri Diwangi Thi Main Na Tha
Maikade Ke Mod Par Rukti Hui
Muddaton Ki Tashnagi Thi Main Na Tha
Main Aur Us Gunchadhan Ki Aarzu
Aarzu Ki Sadgi Thi Main Na Tha
Gesuon Ke Saaye Main Aaram-Kash
Sar-Barhana Zindegi Thi Main Na Tha
Dair-O-Kaaba Main “Adam” Hairat-Farosh
Do Jahaan Ki Badzani Thi Main Na Tha

Jo Log Jaan Bujh Ke Nadaan Ban Gaye

Jo Log Jaan Bujh Ke Nadaan Ban Gaye
Mera Khayal Hai Ki Wo Insaan Ban Gaye
Ham Hashr Main Gaye Magar Kuch Na Puchiye
Wo Jaan Bujh Kar Vahaan Anjaan Ban Gaye
Hanste Hain Ham Ko Dekh Ke Arbaab-E-Aagahi
Ham Aap Ki Mizaaj Ki Pahchaan Ban Gaye
Majhdhaar Tak Pahunchana To Himmat Ki Baat Thi
Saahil Ke Aas Paas Hi Tufaan Ban Gaye
Insaniyat Ki Baat To Itni Hai Shaikh Ji
Badqismati Se Aap Bhi Insaan Ban Gaye
Kaante Bahut The Daaman-E-Fitrat Main Ai “Adam”
Kuch Phool Aur Kuch Mere Armaan Ban Gaye

Jab Gardishon Main Jaam The

Jab Gardishon Main Jaam The
Kitne Hasin Ayyam The
Ham Hi Na The Rusva Faqat
Wo Aap Bhi Badnaam The
Kahte Hain Kuch Arsa Hua
Qaabe Main Bhi Asnaam The
Anjaam Ki Kya Sochte
Na-Vaaqif-E-Anjaam The
Ahad-E-Jawani Main “Adam”
Sab Log Gulandaam The

Hans Ke Bola Karo Bulaya Karo

Hans Ke Bola Karo Bulaya Karo
Aap Ka Ghar Hai Aaya Jaaya Karo
Muskurahat Hai Husn Ka Zevar
Rup Badhta Hai Muskuraya Karo
Had Se Bad Kar Hasin Lagte Ho
Jhuthi Qasme Zarur Khaya Karo
Hukm Karna Bhi Ek Sakhavat Hai
Ham Ko Khidmat Koi Bataya Karo
Baat Karna Bhi Badshahat Hai
Baat Karna Na Bhool Jaaya Karo
Ta Ke Duniya Ki Dilkashi Na Ghate
Nit Naye Pairhan Main Aaya Karo
Kitne Saada Mizaaj Ho Tum ‘Adam’
Us Gali Main Bahut Na Jaaya Karo

Apni Zulfon Ko Sitaaron Ke Havale Kar Do

Apni Zulfon Ko Sitaaron Ke Havale Kar Do
Shahar-E-Gul Badagusaaron Ke Havaale Kar Do
Talkhi-E-Hosh Ho Ya Masti-E-Idraak-E-Junoon
Aaj Har Cheez Bahaaron Ke Havale Kar Do
Mujh Ko Yaaro Na Karo Rahnumaao Ke Supurd
Mujh Ko Tum Rahguzaaron Ke Havale Kar Do
Jagane Vaalon Ka Tufaan Se Kar Do Rishta
Sone Vaalon Ko Kinaaron Ke Havale Kar Do
Meri Tauba Ka Baja Hai Yahi Ejaaz “Adam”
Mera Sagar Mere Yaaron Ke Havale Kar Do

Ai Maigusaaron Savere Savere

Ai Maigusaaron Savere Savere
Kharabaat Ke Gird Phere Pe Phere
Badi Roshni Bakhshte Hain Nazar Ko
Tere Gesuon Ke Muqaddas Andhere
Kisi Din Idhar Se Guzar Kar To Dekho
Badi Raunaqe Hain Faqiron Ke Dere
Gam-E-Zindegi Ko “Adam” Saath Lekar
Kahaan Ja Rahe Ho Savere Savere

Ab Do Aalam Se Sada-E-Saaz Aati Hai Mujhe

Ab Do Aalam Se Sada-E-Saaz Aati Hai Mujhe
Dil Ki Aahat Se Teri Aawaz Aati Hai Mujhe
Ya Samaat Ka Bharam Hai Ya Kisi Nagme Ki Gunj
Ek Pahchaani Hui Aawaz Aati Hai Mujhe
Kis Ne Khola Hai Hawa Main Gesuon Ko Naaz Se
Narmrau Barsaat Ki Aawaz Aati Hai Mujhe
Us Ki Nazuk Ungliyon Ko Dekh Kar Aksar “Adam”
Ek Halki Si Sada-E-Saaz Aati Hai Mujhe

Aap Agar Ham Ko Mil Gaye Hote

Aap Agar Ham Ko Mil Gaye Hote
Baag Main Phool Khil Gaye Hote
Aap Ne Yun Hi Ghoor Kar Dekha
Honth To Yun Bhi Sil Gaye Hote
Kaash Ham Aap Is Tarah Milte
Jaise Do Waqt Mil Gaye Hote
Ham Ko Ahal-E-Khirad Mile Hi Nahin
Varna Kuch Munfail Gaye Hote
Us Ki Aankhe Hi Kaj-Nazar Thi “Adam”
Dil Ke Parde To Hil Gaye Hote

Apne Khwabon Main Tujhe Jis Ne Bhi Dekha Hoga

Apne Khwabon Main Tujhe Jis Ne Bhi Dekha Hoga
Aankh Khulte Hi Tujhe Dhundhne Nikla Hoga
Zindegi Sirf Tere Naam Se Mansub Rahe
Jaane Kitne Hi Dimaagon Ne Ye Socha Hoga
Dost Ham Us Ko Hi Paigaam-E-Karam Samjhenge
Teri Furqat Ka Jo Jalta Hua Lamha Hoga
Daaman-E-Zist Main Ab Kuch Bhi Nahi Hai Baaqi
Maut Aai To Yaqinan  Use Dhoka Hoga
Roshni Jis Se Utar Aai Lahu Main Mere
Ai Masiiha Wo Mera Zakhm-E-Tamanna Hoga

Wo Bhi Kya Log The Aasan Thi Raahen Jin Ki

Wo Bhi Kya Log The Aasan Thi Raahen Jin Ki
Band Aankhe Kiye Ik Simt Chale Jaate The
Aql-O-Dil Khwaab-O-Haqiqat Ki Na Uljhan Na Khalish
Mukhtalif Jalwe Nigaahon Ko Na Bahlaate The

Ishq Saada Bhi Tha Bekhud Bhi Junun Pesha Bhi
Husn Ko Apni Adaaon Pe Hijaab Aata Tha
Phool Khilte The To Phoolon Main Nasha Hota Tha
Raat Dhalti Thi To Shishon Pe Shabaab Aata Tha

Chandni Kaif Asar Ruh Afza Hoti Thi
Abr Aata Tha To Badmast Bhi Ho Jaate The
Din Main Shorish Bhi Hua Karti Thi Hangame Bhi
Raat Ki God Main Munh Dhaanp Ke So Jaate The

Narm Rau Waqt Ke Dhaare Pe Safine The Ravaan
Saahil-O-Bahr Ke Aain Na Badalte The Kabhi
Nakhudaon Pe Bharosa Tha Muqaddar Pe Yaqin
Chaadar-E-Aab Se Tufaan Na Ubalte The Kabhi

Ham Ke Tufaano Ke Paale Bhi Sataaye Bhi Hain
Barq-O-Baraan Main Wo Hi Shamen Jalaayen Kaise
Ye Jo Aatish Kada Duniya Main Bhadak Uttha Hai
Aansuon Se Use Har Baar Bujhaayen Kaise

Kar Diya Barq-O-Bukharat Ne Mahshar Barpa
Apne Daftar Main Litaafat Ke Siva Kuch Bhi Nahin
Ghir Gaye Waqt Ki Beraham Kashakash Main Magar
Paas Tahzib Ki Daulat Ke Siva Kuch Bhi Nahin

Ye Andhera Ye Talatum Ye Hawaaon Ka Kharosh
Is Main Taaron Ki Subuk Narm Ziya Kya Karti
Talkhi-E-Zist Se Kadva Hua Aashiq Ka Mizaaj
Nigaah-E-Yaar Ki Maasum Ada Kya Karti

Safar Aasan Tha To Manzil Bhi Badi Raushan Thi
Aaj Kis Darja Purasraar Hain Raahen Apni
Kitni Parchhaaiyaan Aati Hain Tajalli Ban Kar
Kitne Jalvon Se Ulajhti Hain Nigaahen Apni