Tulu-E-Shams-E-Mufarqat Hai
Purani Kirne Naye Makano Ke Aangano Main Laraz Rahi Hain
Fasil-E-Shahar-E-Wafa Ke Rozan Chamakte Zarron Se Bhar Gai Hain
Gaye Dino Ke Aziz Baate Nigar Subahe Gulab Raate
Bisaat-E-Dil Bhi Ajeeb Shay Hai Hazaar Jeete Hazaar Maate
Judaaiyo Ki Hawaain Lamho Ki Khush Matti Udaa Rahi Hain
Gai Ruton Kaa Malaal Kab Tak
Chalo Ke Shaakhe To Tutati Hain
Chalo Ke Qabron Pe Khoon Rone Se
Apni Aankhain Hi Phootati Hain
Ye Mod Wo Hai Jahan Se Mere Tumhare Raste Badal Gaye Hain
Purani Raahon Ko Lautna Bhi Hamari Qatadir Main Nahin
Ke Raaste Bhi Hamare Qadmo Ke Saath Aage Nikal Gaye Hain
Tulu-E-Shams-E-Mufaaraqat Hai
Tum Apni Aankhon Main Jhilmilaate Hue Sitaaron Ko Maut De Do
Gai Ruton Ke Tamaam Phoolo Tamaam Khaaron Ko Maut De Do
Naye Safar Ko Hayaat Bakhsho
Ke Pichhli Raahon Pe Sabt Jitne Nuqush-E-Paa Hain
Wo Baar Honge
Hawa Udaaye Ke Tum Udaao
